Balaa Biiftuun Geessifte

Urjiin nutti dhiyoo taatee fi jireenya dhalli namaa dachee kana irraa qabu kaallattiin kan itti hidhate, Biifttun torban dabarsine kana balaa guddaa geessifte. Biiftuun umurii walii galaa waggaa biliyoona 10 qabdu keessaa waggaa biliyoona 4.6 jiraatteetti kunis umurii walakkeessa irra akka jirtu agarsiisa.

Akkuma beekamu jireenyi kenya lafa kana irraa Biiftuutti kallattin hidhata qaba. Biiftuun utuu hin jirtu ta’ee jireenyi hin jiru. Waanti jireenya keenyaaf bu’uura fi faayidaa guddaa qabdu kun akkasuma miidhaan ishee guddaadha.

Biiftuun calaqqee ifaa gosa garaa garaa, ho’aa fi wantoota kan biroos ni maddisiifti. Waanta Biiftuu irraa maddu keessaa xiyyi  Ultraviolate (UV) jedhamu kan yoo lafa tuqe dhukkubootaa fi madaa garaagaraaf nu saaxiluu danda’u uumamaan baqqaana Oozoonii jedhamuun nurraa ittifama.

Haa ta’u malee, xiyyi UV Oozooniin nurraa dhorkamu kun isa baay’e salphaadha. Biiftuun wantoota baay’e balaafamoo yoo akka carraa atmoosfeera dachee waliin walitti bu’aan miidhaa salphaa kanneen akka Maagnetiik fiildii lafaa jeequu, (geomagnetic storm)  odeeffanno (communication) kanneen akka Raadaarii, Tv, Plane, Mobile fi kanneen biroo jeequu tii hanga miidhaa guddaa dachee kana gubuu danda’aanii yeroo yerootti maddisiifti.

Wantootni kunneen Solar Energetic Particles jedhamu. Isaaniis: Solar Flare, Coronal Mass Ejection, Solar Storm fi Solar Wind jedhamanii beekamu. 

Maalummaa wantoota kanneenii, akkamitti laft isaan irra eegamtee akka jirtu fi miidhaa isaan geessisan  maxxansa itti aanu keessatti ballinaan isiniif dhiyeessa. 


Har’a yoo gara mata duree kootitti deebine, Jalqaba baatii Ammajjii keessa Saatalaayitootni nam-tolchee kan Star link satellites jedhaman gara hawaatti furguggifamii turan. Satalaayitootni kunneen ifaajee namicha sooressa addunyaa kanaa Elon Musk jedhamuu karoora internetii saffisa olaanaa qabuu maddisiisuuf qabatee galmaan ga’uuf furguggifaman.

Saatalaayitootni kunneen maddaa aannisaa interneetaa saffisa olaanaa qabuu maddisiisuuf orbiitii dachee gad-anaa (low earth orbit) irraa kaawwamanii turan

Haa ta’u malee Saatalaayitootni baay’inni isaanii 40 ta’uu sababa Solar Stormn atimoosphera dachee tuqeef barbadaa’uun isaanii kaampaaniin kun gabaasee ture. Solar Stormn kun atimoosphera dachee saatalayitoota kanneen barbadeessuu malee miidhaa kan biraa lafa irraan hin geenye ture. Saatalaayitootni 40 immoo hojiin ala ta’uun isaanii adda baafameera. Kanaanis kampaaniin kun doolara miliyoona 100 kasaareera. Caccaabaanii fi gubataan haftee qaama saatalaayitoota kanneenii gara fuul duraatti dachee irratti ni kufu jedhamee eegama.

Bara 2012 baatii Ammajjii keessa Coronal Mass Ejection ariitii sa’aatii tokkotti kiiloomeetira 1400 (1400 km/hr) imalu atimoosphera dachee tuqee jeequmsa maagnetiik fiildii lafaa irraan ga’ee (minor geomagnetic storm) jeequmsa uumun isaa kan yaadatamudha.

Dachee sekoondii tokkoo gaditti gubachuu dandeessu irra teenyee wal jiibina

Jaalala waliif qabaachuun, Gaarummaa walitti agarsiisuutiin yeroo keenya haa dabarsinu!

Comments

Post a Comment

Popular posts from this blog

Oromoon Lakkoobsa Habashaa Fayyadamuu Dhiisuu Qaba

Image
Baroota dheeraa darbanii fi sirnootni mootummaa darban hundi isaanii afaan, aadaaa, duudhaa, sirnaa fi walumaa galatti eenyummaa uummata Oromoo uukkamsaanii kan ofii isaanii itti fe’aa turaniiru. Ammas taanan gochi kun akkuma itti fufetti jira.  Utuu ta’eellee biyyi Itoophiyaa jedhamtu kun saba Oromoon waan ijaaramteef wanti  calaqqifamuu qabu irra guddaan kan saba kanaa ta’uu qaba ture. Gochi eenyummaa uukkamsuu kun immoo Oromiyaa fi Itoophiyaa diina walitti taasiseera. Oromiyaa fi Itoophiyaan diina waliiti! Waan Oromoo jalaa ukkaafame keessaa tokko akkaata lakkaawwi lakkoobsa baraati. Akkuman maxxansakoo kana duraa keessatti eeruuf yaale, Akkaatan lakkoobsa baraa kan Uummata Oromoo yeroo ammaa   kan nuti akka lakkoobsa habashaa (ALH) tti jennee itti fayyadamaa jirru kana irraa adda . Lakkoobsi baraa ALH kun warra habashaa qofaaf ta’uu qaba malee saba habashaa hin ta’iin, kan habashaa ta’eefis guutummaatti hojii irra oolu hin qabu. Oromoon Habashaa miti! Akka fakkeenyaatti mee guyyaa
Read more

Sirna Gadaa fi Astiroonoomii (The indigenous Oromo’s Gada System and Astronomy)

Image
  Oromoon wantoota bu’uuraa baay’e kalaqee addunyaaf gumaacha godhee jira. Kanneen keessa; Sirna dimookiraasii, Guddifachaa, fi sirni urjiilee lakkaa’uu isaan muraasa. Kana qofa miti, Oromoon sirna guyyaa, ji’a fi bara ittiin lakkaa’u sirna mataa ofii isaati qaba. Kun immoo kallattiin barnoota ammayaa kanaa keessumaa kan Astiroonoomii waliin walitti dhufeenya guddaa qaba, bu’uuradhas. Akka seenan jedhutti sirni kalaandarii waggaa ittiin lakkaa’aan kun uummata Oromoo biratti kan dhaloota Kristoos dura bara 300 (300 BC) akka uumame ifoomsa. Akkaata kalandarii sirna Gadaatti, baatiin tokko guyyoota 29 of keessa qaba. Waggaan tokko immoo baatilee (ji’oota) 12 of keessa qaba. Kalaandariin kun torban kan hin qabne yoo ta’u, guyyootni ji’a (baatii) tokko keessa jiran hundi isaanii maqaa qabu. Baatileen waggaa tokko keessa jiranis akkasuma maqaa qabu. Kun immoo addeessa fi urjiilee irratti hunda’aa. Kalaandariin kun astiroonomikal kalaandarii (astronomical calendar) jedhama. Astiroonoomikal ka
Read more

Teleskooppii Jaarraa kanaa isa jalqabaa (James Webb Space Telescope)

Image
  Qorannoo hawaa keessatti ga’ee guddaa kan taphachaa jiru meeshalee baay’e barbaachisoo ta’aan keessa telescoppiin isa tokko. Hanga ammaatti addunyaan keenya kun qorannoo hawaaf teleskooppii guddicha Hubble Space Telescope (HST) kan jedhamu waggoota 30 oliif itti gargaaramteetti.  Erga bara 1990 gara hawaatti furguggifameetii teleskooppiin Hubble kun urjiilee fageenya dheera irratti argaman, gaalaksiiwwan, pilaanetootaa fi sirna aduu keenya kana bifa qulqullina qabuun abuureera. Gama guddina saayinsiitiin yoo ta’e, Hubble Space Telescopen kun daawwannaa miliyoona 1.4 ol ( 1.4 million observations ) fi waraqaan qorannoo saayinsii kumni 18 ol aragnnoo meeshaa kanaatin hojjetamanii maxxanfamaniiru. Dhiyeenya kana rakkoo tekinikaa isa mudateen Hubble Space Telescopen ergama itti kenname haalan ba’uu dadhabus, suphaa fageenya irratti lafa taa’amee godhameefin gara hojiitti deebi’uu danda’ee jira. Ergama isa kanas waggoota itti aananiif akka ba’aatu abdiin irra kaawwameera. Hubble Space
Read more