Bakkakkaan maali?

 

Bakkakkaa

Bakkakkaan maali?

Akkamitti Uumamaa?

Waa’ee bakkakkaa yaada akkamii qabdu?

Bakakkaa irraa akkamitti of eegna?

 Namootni tokko tokko bakakkaan sibiila gubbaa lafatti kufudha, lafaa yoo argatame qarshii guddaatti gurguramee sooressa nama taasisa jedhanii amanu. Kana dhaga’ee kan bakakkaa lafa irra barbaadaa oolu baay’edha. Kan erga bakakkaan bu’ee booda bakka inni bu’ee sana qotu illee hin dhabamu. Garuu kun yaada dogoggoraati.

Waantootni hunduu atoomii irraa uumaman yokiin atoomota of keessaa qabu. Atoomiin kun immoo keessoo nuukilasii isaatii keessatti qamolee atoomawaa niwutiroonii fi prootoonii kan jedhaman, ala nuukilasii isaatii irratti immoo elektiroonii qaba. Pirootooniin chaarjii poosatiivaa yeroo qabu, elektrirooniin immoo chaarjii negatiivaa qaba. Niwutirooniin immoo chaarjii maleessa. Uumamaan atoomiin chaargii maleessa (neutral) yokiin chaarjiin isaa equilibrium dha. Chaarjiin equilibriumn kun sababa electrification yokiin mala tuqaatii, walitti rigamuu (induction, rubbing) dhaan jijjiirama.

Duumessi atoomi of keessaa qaba. Sochiin duumessaa immoo akka duumessi walitti rigamu taasisa, electrification ta’e jechuudha. Yeroo kana chaarjonni poosatiivaa fi negatiivaa ni uumamu. Chaarjonni uumaman kun humna guddaa qabu. Saffisa olaanaadhaan qilleensa keessa deemu. Sababa humnaa fi saffisaa olaanaa chaarjota kanaa atoomotni qilleensa keessa jiranii ionized ta’uu, ni ho’uu, sagaleen illee ni uumama.  

Lafa kana irra illee chaarjonni jiru. Yoo chaarjiin lafa kana irra jiru poosativa ta’ee, kan duumessa keessatti sababa sochiin uumaman sun negatiiva ta’uu. Chaarjiin faalla walii ta’e immo akka seera Kolombiitti wal harkisu, humna qabu.

Kanaa booda, chaarjonni negatiivaa duumessa keessa jiran sun ariitii fi humna guddaan chaarjii poosatiivaa lafa irra jiraniin harkifamu. Yeroo kana bakkakkaan bu’e jenna. Yeroo kana jalqaba ifa argina Sanaa booda sagalee dhageenya. Kun sababni isaa, ariitiin ifaa ariitii sagalee waan caaluuf ifni dafee nu bira ga’aa sanaa booda sagalee dhageenya.

Kanaafuu, bakakkaan sibiila miti, lafaas hin argamu. Chaarjiidha

Bakakkaa irraa akkamitti of eegna?

Chaarjiin ariitii guddaan lafatti harkifamu sun jalqaba wantoota ol dheera irratti harkifama. Kanaaf yeroo bay’ee bakakkaan muka dheera irra bu’aa. Mukti chaarjii of keessa dabarsuu waan hin dandeenyef chaarjii kana baachu hin danda’uu ni baqaqa yokiin ni caba.

Kanaaf yeroo roobaa muka jalatti baqachuun gaarii miti. Yeroo roobaa wantoota ol dheeroo ta’aan kanneen akka muka dheeraa fi tulluu irraa fagaachuu, rooba keessa lafa irra ciisuu dhiisuun bakakkaa irraa of eeguu dandeenya.

Dhaloota qaroome horachuuf beekumsi saayinsii barbaachisaadha!



 

 

Comments

Post a Comment

Popular posts from this blog

Oromoon Lakkoobsa Habashaa Fayyadamuu Dhiisuu Qaba

Image
Baroota dheeraa darbanii fi sirnootni mootummaa darban hundi isaanii afaan, aadaaa, duudhaa, sirnaa fi walumaa galatti eenyummaa uummata Oromoo uukkamsaanii kan ofii isaanii itti fe’aa turaniiru. Ammas taanan gochi kun akkuma itti fufetti jira.  Utuu ta’eellee biyyi Itoophiyaa jedhamtu kun saba Oromoon waan ijaaramteef wanti  calaqqifamuu qabu irra guddaan kan saba kanaa ta’uu qaba ture. Gochi eenyummaa uukkamsuu kun immoo Oromiyaa fi Itoophiyaa diina walitti taasiseera. Oromiyaa fi Itoophiyaan diina waliiti! Waan Oromoo jalaa ukkaafame keessaa tokko akkaata lakkaawwi lakkoobsa baraati. Akkuman maxxansakoo kana duraa keessatti eeruuf yaale, Akkaatan lakkoobsa baraa kan Uummata Oromoo yeroo ammaa   kan nuti akka lakkoobsa habashaa (ALH) tti jennee itti fayyadamaa jirru kana irraa adda . Lakkoobsi baraa ALH kun warra habashaa qofaaf ta’uu qaba malee saba habashaa hin ta’iin, kan habashaa ta’eefis guutummaatti hojii irra oolu hin qabu. Oromoon Habashaa miti! Akka fakkeenyaatti mee guyyaa
Read more

Sirna Gadaa fi Astiroonoomii (The indigenous Oromo’s Gada System and Astronomy)

Image
  Oromoon wantoota bu’uuraa baay’e kalaqee addunyaaf gumaacha godhee jira. Kanneen keessa; Sirna dimookiraasii, Guddifachaa, fi sirni urjiilee lakkaa’uu isaan muraasa. Kana qofa miti, Oromoon sirna guyyaa, ji’a fi bara ittiin lakkaa’u sirna mataa ofii isaati qaba. Kun immoo kallattiin barnoota ammayaa kanaa keessumaa kan Astiroonoomii waliin walitti dhufeenya guddaa qaba, bu’uuradhas. Akka seenan jedhutti sirni kalaandarii waggaa ittiin lakkaa’aan kun uummata Oromoo biratti kan dhaloota Kristoos dura bara 300 (300 BC) akka uumame ifoomsa. Akkaata kalandarii sirna Gadaatti, baatiin tokko guyyoota 29 of keessa qaba. Waggaan tokko immoo baatilee (ji’oota) 12 of keessa qaba. Kalaandariin kun torban kan hin qabne yoo ta’u, guyyootni ji’a (baatii) tokko keessa jiran hundi isaanii maqaa qabu. Baatileen waggaa tokko keessa jiranis akkasuma maqaa qabu. Kun immoo addeessa fi urjiilee irratti hunda’aa. Kalaandariin kun astiroonomikal kalaandarii (astronomical calendar) jedhama. Astiroonoomikal ka
Read more

Teleskooppii Jaarraa kanaa isa jalqabaa (James Webb Space Telescope)

Image
  Qorannoo hawaa keessatti ga’ee guddaa kan taphachaa jiru meeshalee baay’e barbaachisoo ta’aan keessa telescoppiin isa tokko. Hanga ammaatti addunyaan keenya kun qorannoo hawaaf teleskooppii guddicha Hubble Space Telescope (HST) kan jedhamu waggoota 30 oliif itti gargaaramteetti.  Erga bara 1990 gara hawaatti furguggifameetii teleskooppiin Hubble kun urjiilee fageenya dheera irratti argaman, gaalaksiiwwan, pilaanetootaa fi sirna aduu keenya kana bifa qulqullina qabuun abuureera. Gama guddina saayinsiitiin yoo ta’e, Hubble Space Telescopen kun daawwannaa miliyoona 1.4 ol ( 1.4 million observations ) fi waraqaan qorannoo saayinsii kumni 18 ol aragnnoo meeshaa kanaatin hojjetamanii maxxanfamaniiru. Dhiyeenya kana rakkoo tekinikaa isa mudateen Hubble Space Telescopen ergama itti kenname haalan ba’uu dadhabus, suphaa fageenya irratti lafa taa’amee godhameefin gara hojiitti deebi’uu danda’ee jira. Ergama isa kanas waggoota itti aananiif akka ba’aatu abdiin irra kaawwameera. Hubble Space
Read more