Roobni roobu bishaan qofa jettanii yaaddu?

Lafti keenya kun bakka bishaan bifa dhangala’aan itti argamu fi roobni bishaan ta’ee roobudha. Addunyaa kanneen biroo kessatti yoo ta’ee, bishaan bifa dhangala’aan roobuun keessummaadha. Bakka bishaanii, wantootni biroon yeroo rooban ni argamu. Isaan keessa muraasni akka armaan gadiitti dhiyaataniiru  

1.     Pilaanetii Veenus

Atmoosfeeriin Veenuus 96.6% Kaarbondaayioksaayidii fi 3.5% immo Naayitiroojinii dha. Atmoosferiin Veenus kun duumessa sulfarik asiidi (opaque clouds made of sulfuric acid) qabu irraa kan uumame waan ta’eef, Dachee Veenus irratti asiidii cimaa Sulfarik Asiidii rooba.

2.     Pilaanetii Neptiyuunii

Atimoosferiin pilaanetii Neptiyuunii irra caala 80% Haayidroojinii, 19% Hiliyeemii fi 1% Miteenii of keessa qaba. Dhiibban (pressure) guddaan Neptune irra jiru, Miteenii caccabsuun gara diyaamondiitti jijjiira. Kanaafuu, Pilaanetii Neptiyuunii irratti roobni roobu Diyaamondii dha.

Diyaamondiin elementii qaalii (rare) irra lafaatti argamudha, hawaa keessa garuu baay’inaan argama

3.     Tiitan

Tiitan saatalaayitii (addeessa) pilaanetii Saatarniin qabu keessa isa tokko. Addeessi kun galaana dhangala’aa Haayidirookaarbonii irraa uumame fi haroo qaba. Addeessa kana irratti roobni ni rooba. Garuu roobni kun bishaan utuu hin taane Miteenii dha.

4.     K2-141b (The Hell planet)

 Exo-pilaanetiin kun pilaanetii garba maagimaa baay’e ho’aa ta’ee fi kattaawwan boba’aan qaba. Kanaaf, pilaanetii du’aa (the hell planet) jedhama. Pilaanetii kana irratti waanti roobu illee dhangala’aa sibiila Ayiranii dha.

 HD 189733b

Pilaanetiin kun pilaanetii sirna Biiftuun alatti argamu dha. Dacheen pilaanetii kanaa bubbee saffisa guddan socho’uu fi Silkeetii of keessa qabu qaba. Kun immoo burcuqqoo (glass) uumama akka uumamu godheera. Roobni pilaanetii kana irratti ni rooba. Garuu roobni kun akka isa nuti beeknu gubbaati gad utuu hin taane dalga rooba (more horizontal than vertical). Pilaanetii kana irratti burcuqqoo (glass) rooba.



Comments

Post a Comment

Popular posts from this blog

Oromoon Lakkoobsa Habashaa Fayyadamuu Dhiisuu Qaba

Image
Baroota dheeraa darbanii fi sirnootni mootummaa darban hundi isaanii afaan, aadaaa, duudhaa, sirnaa fi walumaa galatti eenyummaa uummata Oromoo uukkamsaanii kan ofii isaanii itti fe’aa turaniiru. Ammas taanan gochi kun akkuma itti fufetti jira.  Utuu ta’eellee biyyi Itoophiyaa jedhamtu kun saba Oromoon waan ijaaramteef wanti  calaqqifamuu qabu irra guddaan kan saba kanaa ta’uu qaba ture. Gochi eenyummaa uukkamsuu kun immoo Oromiyaa fi Itoophiyaa diina walitti taasiseera. Oromiyaa fi Itoophiyaan diina waliiti! Waan Oromoo jalaa ukkaafame keessaa tokko akkaata lakkaawwi lakkoobsa baraati. Akkuman maxxansakoo kana duraa keessatti eeruuf yaale, Akkaatan lakkoobsa baraa kan Uummata Oromoo yeroo ammaa   kan nuti akka lakkoobsa habashaa (ALH) tti jennee itti fayyadamaa jirru kana irraa adda . Lakkoobsi baraa ALH kun warra habashaa qofaaf ta’uu qaba malee saba habashaa hin ta’iin, kan habashaa ta’eefis guutummaatti hojii irra oolu hin qabu. Oromoon Habashaa miti! Akka fakkeenyaatti mee guyyaa
Read more

Sirna Gadaa fi Astiroonoomii (The indigenous Oromo’s Gada System and Astronomy)

Image
  Oromoon wantoota bu’uuraa baay’e kalaqee addunyaaf gumaacha godhee jira. Kanneen keessa; Sirna dimookiraasii, Guddifachaa, fi sirni urjiilee lakkaa’uu isaan muraasa. Kana qofa miti, Oromoon sirna guyyaa, ji’a fi bara ittiin lakkaa’u sirna mataa ofii isaati qaba. Kun immoo kallattiin barnoota ammayaa kanaa keessumaa kan Astiroonoomii waliin walitti dhufeenya guddaa qaba, bu’uuradhas. Akka seenan jedhutti sirni kalaandarii waggaa ittiin lakkaa’aan kun uummata Oromoo biratti kan dhaloota Kristoos dura bara 300 (300 BC) akka uumame ifoomsa. Akkaata kalandarii sirna Gadaatti, baatiin tokko guyyoota 29 of keessa qaba. Waggaan tokko immoo baatilee (ji’oota) 12 of keessa qaba. Kalaandariin kun torban kan hin qabne yoo ta’u, guyyootni ji’a (baatii) tokko keessa jiran hundi isaanii maqaa qabu. Baatileen waggaa tokko keessa jiranis akkasuma maqaa qabu. Kun immoo addeessa fi urjiilee irratti hunda’aa. Kalaandariin kun astiroonomikal kalaandarii (astronomical calendar) jedhama. Astiroonoomikal ka
Read more

Teleskooppii Jaarraa kanaa isa jalqabaa (James Webb Space Telescope)

Image
  Qorannoo hawaa keessatti ga’ee guddaa kan taphachaa jiru meeshalee baay’e barbaachisoo ta’aan keessa telescoppiin isa tokko. Hanga ammaatti addunyaan keenya kun qorannoo hawaaf teleskooppii guddicha Hubble Space Telescope (HST) kan jedhamu waggoota 30 oliif itti gargaaramteetti.  Erga bara 1990 gara hawaatti furguggifameetii teleskooppiin Hubble kun urjiilee fageenya dheera irratti argaman, gaalaksiiwwan, pilaanetootaa fi sirna aduu keenya kana bifa qulqullina qabuun abuureera. Gama guddina saayinsiitiin yoo ta’e, Hubble Space Telescopen kun daawwannaa miliyoona 1.4 ol ( 1.4 million observations ) fi waraqaan qorannoo saayinsii kumni 18 ol aragnnoo meeshaa kanaatin hojjetamanii maxxanfamaniiru. Dhiyeenya kana rakkoo tekinikaa isa mudateen Hubble Space Telescopen ergama itti kenname haalan ba’uu dadhabus, suphaa fageenya irratti lafa taa’amee godhameefin gara hojiitti deebi’uu danda’ee jira. Ergama isa kanas waggoota itti aananiif akka ba’aatu abdiin irra kaawwameera. Hubble Space
Read more