Urjiilee (Stars)

#Urjiin maali?
#Akkamitti uumamani?
#Akkamitti ifa kennu? Yeroo hanga kamiif ifuu itti fufu?
Itti Dhiyaadha!

 Wantoota hawaa keessatti argaman, kan baay’e ajaa’ibsiisoo ta’aan, waa’en isaanii odeeffame, barreefamee hin xummuramne keessaa Urjiileen isaan tokko. Kan baay’e nama ajaa’ibu immoo, Urjiilen dhalachuu, guddachuu fi du’uu isaaniiti. Urjiilen hawaa keessatti ni dhalatu, ni guddatu, erga guddatanii booda immoo ni du’uu.

Urjiin qaama ulfaata, baay’e ho’aa, bifa kubbaa (spherical) kan humna harkisa ofii isaatiniitin aragamanidha. Sababa nuyi irraa baay’e baay’e fagoo ta’aniif yeroo ilaallu qaaman xiqqoo nutti fakkaatu malee, garuu dhugaadhumaan baay’en isaanii guddinaanis ifaanis Biiftu kana ni caalu. Urjiileen duumessaa fi dhukee guddaa (giant cloud of dust and gas) irraa gaalaksii (Eagle galaxy) jedhamu keessatti dhalatu. Bakki kun stellar nurseries jedhama.
Urjiileen elementii Haaydiroojinii (Hydrogen) kan guutamanidha. Haaydiroojiniin kun akka boba’aatti urjiilee tajaajila. Ifni urjiileen maddisiisan adeemsa wal nyaatinsa nuukilarawaa (nuclear reaction) handhuura (core) isaanii keessatti uumamu irraati. Wal nyaatinsi kun yeroo elementiin Haaydiroojinii kan urjiilee keessatti argamu gara elementii Hiiliyeemii (Helium) tti jijjiiramu dha. Yeroo kana ifnii fi ho’ii guddaan keessa urjiileeti madda jechuudha.
Haala ho’iinsa isaanii fi ifa isaan maddisiisan irratti hundoofne urjiilee qooduu dandeenya. Haaluma kanaan, Urjiileen bifa (color) garaagaraa (diimaa, cuquliisa, keello), hanga guddinaa (size) garaagaraa (xiqqaa, giddu-galeessa, guddaa) fi hanga ifa isaanii (brightness) garaa garaa qabu. Kana keessatti kan isin beeku qabdan Biiftun guyyaa guyyaatti ijaan arginu kan ifa fi ho’aa nuuf kennitu kun urjii qaaman gidduu galeessa taatedha. Kana jechuun urjiilen qaamaan Biiftuu gadi ta’aan, kan Biiftuu waliin wal qixa ta’aanii fi qaaman Biiftuu caala guddaa ta’aan ni jiru jechuudha. Garuu, sababa fageeya isaanii xiqqaa ta’aani nutti argamu ifni isaanis nu bira hin ga’uu malee.
Urjii guddaan kan baay’e baay’e ho’aa ta’ee fi baay’e ifu ykn ifa gudddaa maddisiisudha. Bifaan immoo baay’en isaanii Cuquliisa (blue) dha. Urjii xiqqaan immoo hanga ifaa fi qaaman urjii guddaa gadi kan ta’ee, baay’e ho’iinsa kan hin qabnedha. Bifaan immoo irra caalan urjiilee xixiqqoo diima (red) dha.
Sababa baay’e ho’uu isaanii irraa kan ka’ee urjiilen gurguddoon umuriin (life time) isaanii yeroo urjiilee xixiqqoo waliin wal bira qabnee xiqqaadha. Kana jechuun urjiilen xixiqqoo urjiile gurguddoo caala umurii dheera jiraatu, dafanii hin du’aan jechuudha
Sabaabni isaa, sababa guddina isaanii Haaydiroojinii baay’en gara Hiiliyeemitti dafee dafee jijjiirama. Yeroo hangi Haaydiroojinii urjiilee keessatti argamuu gara Hiiliyeemitti jijjiiramee dhumaa deemu urjiilen du’uu eegalu jechuudha.
Erga du’anii booda gara kamitti jijjiiramu? Maxxansa itti aanu keessattin qabadhee isniif dhiyaadha.
Yaada fi Gaaffi yoo qabaattan barreessu dandeessu
Dhaloota qaroome horachuuf, beekumsi saayinsii barbaachisaadha!

Comments

Post a Comment

Popular posts from this blog

Oromoon Lakkoobsa Habashaa Fayyadamuu Dhiisuu Qaba

Image
Baroota dheeraa darbanii fi sirnootni mootummaa darban hundi isaanii afaan, aadaaa, duudhaa, sirnaa fi walumaa galatti eenyummaa uummata Oromoo uukkamsaanii kan ofii isaanii itti fe’aa turaniiru. Ammas taanan gochi kun akkuma itti fufetti jira.  Utuu ta’eellee biyyi Itoophiyaa jedhamtu kun saba Oromoon waan ijaaramteef wanti  calaqqifamuu qabu irra guddaan kan saba kanaa ta’uu qaba ture. Gochi eenyummaa uukkamsuu kun immoo Oromiyaa fi Itoophiyaa diina walitti taasiseera. Oromiyaa fi Itoophiyaan diina waliiti! Waan Oromoo jalaa ukkaafame keessaa tokko akkaata lakkaawwi lakkoobsa baraati. Akkuman maxxansakoo kana duraa keessatti eeruuf yaale, Akkaatan lakkoobsa baraa kan Uummata Oromoo yeroo ammaa   kan nuti akka lakkoobsa habashaa (ALH) tti jennee itti fayyadamaa jirru kana irraa adda . Lakkoobsi baraa ALH kun warra habashaa qofaaf ta’uu qaba malee saba habashaa hin ta’iin, kan habashaa ta’eefis guutummaatti hojii irra oolu hin qabu. Oromoon Habashaa miti! Akka fakkeenyaatti mee guyyaa
Read more

Sirna Gadaa fi Astiroonoomii (The indigenous Oromo’s Gada System and Astronomy)

Image
  Oromoon wantoota bu’uuraa baay’e kalaqee addunyaaf gumaacha godhee jira. Kanneen keessa; Sirna dimookiraasii, Guddifachaa, fi sirni urjiilee lakkaa’uu isaan muraasa. Kana qofa miti, Oromoon sirna guyyaa, ji’a fi bara ittiin lakkaa’u sirna mataa ofii isaati qaba. Kun immoo kallattiin barnoota ammayaa kanaa keessumaa kan Astiroonoomii waliin walitti dhufeenya guddaa qaba, bu’uuradhas. Akka seenan jedhutti sirni kalaandarii waggaa ittiin lakkaa’aan kun uummata Oromoo biratti kan dhaloota Kristoos dura bara 300 (300 BC) akka uumame ifoomsa. Akkaata kalandarii sirna Gadaatti, baatiin tokko guyyoota 29 of keessa qaba. Waggaan tokko immoo baatilee (ji’oota) 12 of keessa qaba. Kalaandariin kun torban kan hin qabne yoo ta’u, guyyootni ji’a (baatii) tokko keessa jiran hundi isaanii maqaa qabu. Baatileen waggaa tokko keessa jiranis akkasuma maqaa qabu. Kun immoo addeessa fi urjiilee irratti hunda’aa. Kalaandariin kun astiroonomikal kalaandarii (astronomical calendar) jedhama. Astiroonoomikal ka
Read more

Teleskooppii Jaarraa kanaa isa jalqabaa (James Webb Space Telescope)

Image
  Qorannoo hawaa keessatti ga’ee guddaa kan taphachaa jiru meeshalee baay’e barbaachisoo ta’aan keessa telescoppiin isa tokko. Hanga ammaatti addunyaan keenya kun qorannoo hawaaf teleskooppii guddicha Hubble Space Telescope (HST) kan jedhamu waggoota 30 oliif itti gargaaramteetti.  Erga bara 1990 gara hawaatti furguggifameetii teleskooppiin Hubble kun urjiilee fageenya dheera irratti argaman, gaalaksiiwwan, pilaanetootaa fi sirna aduu keenya kana bifa qulqullina qabuun abuureera. Gama guddina saayinsiitiin yoo ta’e, Hubble Space Telescopen kun daawwannaa miliyoona 1.4 ol ( 1.4 million observations ) fi waraqaan qorannoo saayinsii kumni 18 ol aragnnoo meeshaa kanaatin hojjetamanii maxxanfamaniiru. Dhiyeenya kana rakkoo tekinikaa isa mudateen Hubble Space Telescopen ergama itti kenname haalan ba’uu dadhabus, suphaa fageenya irratti lafa taa’amee godhameefin gara hojiitti deebi’uu danda’ee jira. Ergama isa kanas waggoota itti aananiif akka ba’aatu abdiin irra kaawwameera. Hubble Space
Read more